📣  သတင်းထုတ်ပြန်ချက်

(၂၀၂၂ ခုနှစ် စက်တင်ဘာလ ၁၄ ရက်။)

Minority Affairs Institute (MAI Myanmar) နှင့် Irrawaddy Law School တို့ မိတ်ဖက်အဖွဲ့အစည်းများအဖြစ် ပူးပေါင်းဆောင်ရွက်ကြရန် MoU လက်မှတ်ရေးထိုး

ဧရာဝတီဥပဒေပညာသင်ကျောင်းနှင့် Minority Affairs Institute (MAI Myanmar) တို့သည် ယမန်နေ့ မြန်မာစံတော်ချိန် နေ့လယ် ၁ နာရီတွင် တွေ့ဆုံ၍ ပညာရပ်ပူးပေါင်းမှုဆိုင်ရာ နားလည်မှုစာချွန်လွှာ (MoU) အား သဘောတူလက်မှတ်ရေးထိုးခဲ့ကြပါသည်။

ဧရာဝတီဥပဒေပညာသင်ကျောင်းသည် ကြားကာလအတွင်း ဥပဒေပညာရပ်များအား သင်ကြားပို့ချပေးနေသည့် ကြားကာလအခြေပြု ကောလိပ်အဆင့်ကျောင်းတစ်ကျောင်းဖြစ်ပြီး၊ Minority Affairs Institute (MAI Myanmar) သည် နိုင်ငံရေးအသိပညာပေးခြင်း၊ သုတေသနများ ဆောင်ရွက်ခြင်း၊ လူနည်းစုရေးရာကိစ္စရပ်များနှင့် စပ်လျဥ်း၍ လုပ်ဆောင်နေသည့် အဖွဲ့အစည်းတစ်ရပ်ဖြစ်သည်။

မိမိတို့ အဖွဲ့အစည်းနှစ်ရပ်သည် ယခုကြားကာလ​ဖြစ်သည့် တော်လှန်ရေးကာလအတွင်းတွင်သာမက၊ အသွင်ကူးပြောင်းရေးကာလနှင့် ပြန်လည်ထူထောင်ရေးကာလ၊ ပုံမှန်အကျိုးပြုကာလအထိတိုင်အောင် ပူးပေါင်းဆောင်ရွက်သွားမည်ဟု သန္နိဌာန်ချမှတ်ထားကြပါသည်။

မိမိတို့ နှစ်ရပ်သော အဖွဲ့အစည်းသည် သင်တန်းရေးရာကိစ္စရပ်များတွင်သာမက သုတေသနရေးရာကိစ္စရပ်များ၊ Advocacy ကိစ္စရပ်များတွင် ပူးပေါင်းလုပ်ဆောင်ကြရေးအတွက် ဆွေးနွေးဆုံးဖြတ်ခဲ့ကြသည်။

#MAI #minorityaffairsinstitute  #MoU #irrawaddylawschool #ILS